Ｍ：よーだっとぅぬぷーじーえっしが？
Ｓ：風邪ひちよー、てーげーどぅーだっとぅんばーてー。
Ｍ：ぃやーがんちょん風邪ひくんばーな。
Ｓ：あんすとぅよ。日曜日に運動しちからシャワー入っち、薄着ぬまま「篤姫」ぬ最終回見ーがちなーストレッチしちゃい、新聞切り抜きしちゃいしちゅたんばーてー。うりじどぅーぴじゅてーしが悪っせーてんやー、月曜日やしてぃみてぃなーから喉やでぃよ。寝んびぬあたいやあらんばーえっしが、あんまさぬ。
Ｍ：天気が良いえっとぅ昼や温さぬ夜やぴーせーとぅや、けーてぃ油断すんばーてー。
Ｓ：あいえんばーえっさ。
Ｍ：話や変わてぃ、金武町ぬ流弾事故んでーじえっさーやー。
Ｓ：いーばー人ーかい当たらんてーとぅしむしが、伊芸区ぬ人たーや落てぃしち暮らさらんでーやー。
Ｍ：新聞かい載とぅーぬ航空写真見ーねー、高速自動車道ぬすばかい、うっさきなー射撃訓練場ぬあんばーれんなー、りち驚るかさりるすんでー。
Ｓ：基地ぬ中やわったー勝手りち造いとぅばちゃっくんばーえっさ。高速自動車道んかい「グリーンベレー演習中 流弾注意」りいうぬ看板ぬあいたしが、じゅんにうぬ看板ぬとおりなっとぅんばーえっとぅよー、安心しち車ん歩っかさらんばーてー。
Ｍ：象えってぃん殺すぬあたいぬまぎ弾えんとぅか、恩納ぬ演習場から跳でぃちゃーしやあらんがやーとぅか、落下ぬ跡ぬたーちあんとぅか、色々報道さっとぅんばーえっしが、早ーくなー鑑定結果いじゃち、演習止みるぬ抗議行動んしばーるえっしが、新聞読みねー、沖縄県や「米軍のものであった場合は訓練中止を」りち、なまや鑑定中えっとぅ演習容認しちゅーぬぷーじー。国よか「慎重姿勢」り書かっとぅんばーえっしが、仲井真知事んゆかいしぴたいむん、情けないえっさーやー。
Ｓ：国ぬ演習中止要求りいうしん県民向けのポーズるえーる、米軍に抗議やしちゅらんでぃるいうとぅ、目糞とぅ鼻糞ぬ差ーるえーがはじえっしがてー。県民ぬ命守らーりいうぬ真剣な気持ちやねんばーえっさ。ただ、一時しぬじないばしむんでぃいうぬ考えるえーる、国ぬん沖縄県ぬん米軍演習容認しち、日米安保体制支いんりち一生懸命るえっとぅよ。アメリカ軍びけーが悪っせーぬむぬやあらん、日本政府ん仲井真県政んまじゅん批判しち、抗議さんねーならんばーよ。
Ｍ：うんねーぬ仲井真知事がアメリカかい行じゃーとぅりち、ぬーぬ役ん立ちぎさーやあらんさーや。
Ｓ：大統領かい島ぞーり投げてぃ見しりねー拍手しちとぅらすしがや。県議会うとーてぃやアメリカかい行くぬ予算通すんりち、油口しちゅてーがすら分からんしがやー、実際にアメリカに行じから、ちゃんねーぬ発言すーがりいうしが問題えんばーよ。今度ぬ流弾事故ぬ問題、なままでぃぬ米軍犯罪ぬ問題、ウチナーぬちゃっさー米軍基地ぬたみに哀りしちゅーがりいうし、オバマ新大統領かい突きちきてぃ批判しーゆしーがすら。じょい、ないぎさーあらんしぇーさー。
Ｍ：あんすとぅや。野党ぬん最後や文言調整しみたんりち妥協るすーとぅよ。ぅわーばい予算使てぃアメリカまでぃやらち、けーてぃマイナスないぎさーえっさーやー。
Ｓ：アメリカまでぃ行くぬあたいえーねー、まじや金武町かい行じ事故ぬ現場ん見っち、キャンプ・ハンセンぬ演習かい反対しち見しりばるえっしがや。地元じ抗議んしーゆーさん知事ぬアメリカまでぃ行じぬーないが。ゆけーちじるないる。
Ｓ：風邪ひちよー、てーげーどぅーだっとぅんばーてー。
Ｍ：ぃやーがんちょん風邪ひくんばーな。
Ｓ：あんすとぅよ。日曜日に運動しちからシャワー入っち、薄着ぬまま「篤姫」ぬ最終回見ーがちなーストレッチしちゃい、新聞切り抜きしちゃいしちゅたんばーてー。うりじどぅーぴじゅてーしが悪っせーてんやー、月曜日やしてぃみてぃなーから喉やでぃよ。寝んびぬあたいやあらんばーえっしが、あんまさぬ。
Ｍ：天気が良いえっとぅ昼や温さぬ夜やぴーせーとぅや、けーてぃ油断すんばーてー。
Ｓ：あいえんばーえっさ。
Ｍ：話や変わてぃ、金武町ぬ流弾事故んでーじえっさーやー。
Ｓ：いーばー人ーかい当たらんてーとぅしむしが、伊芸区ぬ人たーや落てぃしち暮らさらんでーやー。
Ｍ：新聞かい載とぅーぬ航空写真見ーねー、高速自動車道ぬすばかい、うっさきなー射撃訓練場ぬあんばーれんなー、りち驚るかさりるすんでー。
Ｓ：基地ぬ中やわったー勝手りち造いとぅばちゃっくんばーえっさ。高速自動車道んかい「グリーンベレー演習中 流弾注意」りいうぬ看板ぬあいたしが、じゅんにうぬ看板ぬとおりなっとぅんばーえっとぅよー、安心しち車ん歩っかさらんばーてー。
Ｍ：象えってぃん殺すぬあたいぬまぎ弾えんとぅか、恩納ぬ演習場から跳でぃちゃーしやあらんがやーとぅか、落下ぬ跡ぬたーちあんとぅか、色々報道さっとぅんばーえっしが、早ーくなー鑑定結果いじゃち、演習止みるぬ抗議行動んしばーるえっしが、新聞読みねー、沖縄県や「米軍のものであった場合は訓練中止を」りち、なまや鑑定中えっとぅ演習容認しちゅーぬぷーじー。国よか「慎重姿勢」り書かっとぅんばーえっしが、仲井真知事んゆかいしぴたいむん、情けないえっさーやー。
Ｓ：国ぬ演習中止要求りいうしん県民向けのポーズるえーる、米軍に抗議やしちゅらんでぃるいうとぅ、目糞とぅ鼻糞ぬ差ーるえーがはじえっしがてー。県民ぬ命守らーりいうぬ真剣な気持ちやねんばーえっさ。ただ、一時しぬじないばしむんでぃいうぬ考えるえーる、国ぬん沖縄県ぬん米軍演習容認しち、日米安保体制支いんりち一生懸命るえっとぅよ。アメリカ軍びけーが悪っせーぬむぬやあらん、日本政府ん仲井真県政んまじゅん批判しち、抗議さんねーならんばーよ。
Ｍ：うんねーぬ仲井真知事がアメリカかい行じゃーとぅりち、ぬーぬ役ん立ちぎさーやあらんさーや。
Ｓ：大統領かい島ぞーり投げてぃ見しりねー拍手しちとぅらすしがや。県議会うとーてぃやアメリカかい行くぬ予算通すんりち、油口しちゅてーがすら分からんしがやー、実際にアメリカに行じから、ちゃんねーぬ発言すーがりいうしが問題えんばーよ。今度ぬ流弾事故ぬ問題、なままでぃぬ米軍犯罪ぬ問題、ウチナーぬちゃっさー米軍基地ぬたみに哀りしちゅーがりいうし、オバマ新大統領かい突きちきてぃ批判しーゆしーがすら。じょい、ないぎさーあらんしぇーさー。
Ｍ：あんすとぅや。野党ぬん最後や文言調整しみたんりち妥協るすーとぅよ。ぅわーばい予算使てぃアメリカまでぃやらち、けーてぃマイナスないぎさーえっさーやー。
Ｓ：アメリカまでぃ行くぬあたいえーねー、まじや金武町かい行じ事故ぬ現場ん見っち、キャンプ・ハンセンぬ演習かい反対しち見しりばるえっしがや。地元じ抗議んしーゆーさん知事ぬアメリカまでぃ行じぬーないが。ゆけーちじるないる。
