月ぬ夜ぬすらさ

Ｍ：うぬ二、三日、いい月ぬ夜ぬ続ちゅーさーやー。
Ｓ：あんすとぅよ。くぬめーぬ十五夜ぬ月や見事えったんやー。夜ぬ三時びかーに外に出じちたとぅ、空にや雲んてぃーちんねーらん、月ぬ光ぬんじゅんに青るーくしち、周りぬ景色や海ぬ底ぬぐとぅるあいたんでー。あんちすらせーぬ月ぬ夜んでぃいうしや、ウチナーえってぃんあんすかやねんがはじ、りち思たぬあたいえったさ。
Ｍ：風んねーぬ空気ぬん澄でぃや、月ぬあかがいよーぬんゆー出来てぃ、ウチナーぬんなまが一番良い季節えっさーや。
Ｓ：夜んにんびやっさぬよー、いいあんべーえんや。
Ｍ：なまんぬんはんばんぐとぅにんたっくんばーれん？
Ｓ：あいえんばーえっしが、さすがにやー、よーぴやぴーさぬ、ヤッケじぴさうすたいしちやうんばーえっしが。
Ｍ：はー、てーげー頑丈者えっさー。
Ｓ：二十代にガードマンぬアルバイトしちゅたぬばーや、夜中仕事しちアパートに帰ーてぃにんびしや昼るえっせーや、真冬えってぃん上やジャンバー着きてぃ、畳ぬうわーびんかい、ぬんはんばんぐとぅにんとぅたんよ。もちろん、暖房器具りちんぬんねんばーえっさ。うぬばーによ、ぴーせぬばーにや俯せなってぃにんびしがましりいうしが分かたんばーてー。めーよかやあとぅ、わたよかーやながにぬぴーせーしにや強ーせんりいうしが、ゆー分かたんばーえっさ。やっぱり人間ぬん元や四本足ぬ動物えってんばーえっとぅ、イングヮーとぅかマヤーとぅゆぬむん、にんびぬばーや俯せなってぃにんびしが あてーめーえってんばーえっさ。俯せないねー内臓冷やさんせーやー、うぬ方が動物とぅしち自然なにんびよーえんばーえっさ。。
Ｍ：あい言ゃーりねーやー、イングヮーえってぃんマヤーえってぃん、ながににや毛ーぬうぽさぬ、わたぬめーやいけらーせーとぅや、ぽーてぃにんびしが保温ないがはじやー。えっしが、あんねーぬくとぅどぅーぬ体験じ分からんてぃんしみんでぃ思みーしが。ぴーしぇーば無理さんぐとぅ毛布はんびばしむんばーらんな？
Ｓ：まーうりやあいえっしがよー。若せーぬばーやうぬあたい体力ぬあいてんばーえっさ。
Ｍ：ちゃっさ若せーてぃん、ぴーせーしやぴーせんり思いしが……。
Ｓ：なまやさすがに冬や毛布はんてぃにんとぅーしがてー。
Ｍ：布団やはんばんばーなー。
Ｓ：布団やねーらんむん。
Ｍ：は……。まー、歳考えーてぃ無理さんしがましり思いしがや。
Ｓ：ちゃっさぴーせんり言ちん、ウチナーや凍死すーぬしわーやねんばーえっとぅ、うりびかーえってぃんでーじな恵まってぃうんばーれんどーやー。ないぬむんえーねー浜んかい行じ、月眺みてぃ波ぬ音聞ち、貝殻杯にしち酒えってぃん飲でぃやー、月光浴しーがちなー寝んびぶせんばーえっしが、なかなか実行やならぬ。えってぃん、月眺みてぃ心休みーぬ時や持ちぶせんやー、ちゃっさ世ぬ中ぬわさわさーしちん。