Ｍ：福田首相ぬ辞任やてーげーちゅーどぅまんがちゃーさーやー。
Ｓ：安倍ぬん福田ぬん、親に比びてぃあんちしぴたいえーるやー。ただ、辞みよう見ーねー、背景に何ーぬ有いたがりいうしや、ゆー分析さんねーならんでぃ思いしが。ねじれ国会じ民主党が協力さんたんとぅか、福田政権や支持率ぬ低さぬ選挙戦ならんとぅか、公明党ぬ圧力とぅか、うぬあたいじあんち簡単に辞みるんりや思らんしが。
Ｍ：あんち無責任な辞み方しーねーや、どぅく印象ぬ悪っさぬ、麻生やらばん小池やらばん誰ーが新総裁になったんりしちん、自民党に対する評価自体が低下すーしや間違いねーらんとぅや。いかなぬーやらばん、一国ぬ首相ぬうぬあたいぬ理由じ辞みるんばーがやーり思いんばーえっしが。
Ｓ：なー自民党ぬんお仕舞いえっさー、り思たぬ市民ぬん満どぅんばーあらんな。安倍、福田りいうぬ個人ぬ問題やあらん、自民党自体に政権担当能力が無んくなっとぅんりいうぬ印象持っちゃぬ人ん、うぽーせんり思いんよーやー。福田自身ぬ不祥事とぅか、アメリカとぅぬ関係とぅか、何ーげら圧力ん無んたがーやりいうぬ気ーぬんすんばーえっしが、うぬーぴんぬ分析記事ぬ欲しいえっさーやー。
Ｍ：なまぬぐとぅぬ流れえーねー、一気に解散総選挙までぃ行くーぬ可能性ぬんまぎせーさーやー。自公体制が崩壊しち、民主党中心ぬ政権がでぃきるぬ可能性ぬん有んばーらんな。沖縄ぬ基地問題ぬんちゃんちがないら。ただ、うぬ流り、よーぴえってぃん沖縄に良い方向に向きらんねーならんり思いんよ。なまぬ名護・ヤンバルぬ状況見ーねーや、新基地建設に向きてぃ新兵舎建設ぬたみぬ整地が進みらっとぅんばーえっしが、市民ぬ関心ぬん低さぬ、政府ぬ強硬姿勢に押さっとぅんばーてー。うぬ状況変えるぬきっかけにないばしみしが。
Ｓ：気持ちや分かいしがや、民主党に期待すーしん注意さんねーならんばーよ。宮古ぬ下地島空港を国連ぬ平和維持軍ぬ拠点なすんとぅかや、異風なくとぅん言ちゃっくんばーえっとぅや。民主党ぬん憲法九条ぬ改憲言ちゅんばーえっさ。小沢とぅか前原とぅか元もとタカ派ぬん満どぅんばーえっとぅ、うったーが辺野古ぬ基地建設反対り言ちゃーとぅりち、簡単に信用しち支持しーねー、後から何ーぬ出じいがすら分からんどーやー。ゆー注意さんねーならんり思いんばーてー。
Ｍ：うりや我んぬんあい思いんよ。喜納昌吉ぬん我んねーてぃーちん信用しちゅらんとぅよ。選挙とぅか政党に振んみぐやーしみらりしや馬鹿らしいえっとぅや。あくまでぃ名護・ヤンバルぬ住民運動ちゅーくすーしが原則やえんばーえっしが。
Ｓ：名護ぬん建設関連業者ぬ倒産がちゃー続きしち、北部振興策ぬ銭んだーかいが流りとぅーら。名護十字路近くに計画さっとぅーぬ高層住宅ぬ反対運動ぬん起くとぅーとぅや、小中学校や給食センターぬ統廃合ぬ問題ぬん有てぃ、基地問題以外にん島袋市政に対する反発・不満やかなり有んでぃ思いんばーえっしが、うりちゃんち纏みーがりいうしが課題えんばーてー。
Ｍ：名護やちゃーうりが問題えんばーよ。反対運動ぬん選挙ぬばーに政党ぬ思惑じ振んみぐやーさってぃ、うりじ内部対立しち衰退しちゅんばーてー。どぅーぬ政党ぬ利害からゆぬ反対運動しちゅーぬ人ぬ批判びかーしちゃっくぬ幹部ぬんういとぅよ。うんねーるーがういねー運動ぬ発展すーぬわけんねんばーてー。なまから選挙が連続しーぎさーえっしが、ゆぬ失敗しーけーさーしちやならんどーやー。
Ｓ：あんすとぅや。
Ｓ：安倍ぬん福田ぬん、親に比びてぃあんちしぴたいえーるやー。ただ、辞みよう見ーねー、背景に何ーぬ有いたがりいうしや、ゆー分析さんねーならんでぃ思いしが。ねじれ国会じ民主党が協力さんたんとぅか、福田政権や支持率ぬ低さぬ選挙戦ならんとぅか、公明党ぬ圧力とぅか、うぬあたいじあんち簡単に辞みるんりや思らんしが。
Ｍ：あんち無責任な辞み方しーねーや、どぅく印象ぬ悪っさぬ、麻生やらばん小池やらばん誰ーが新総裁になったんりしちん、自民党に対する評価自体が低下すーしや間違いねーらんとぅや。いかなぬーやらばん、一国ぬ首相ぬうぬあたいぬ理由じ辞みるんばーがやーり思いんばーえっしが。
Ｓ：なー自民党ぬんお仕舞いえっさー、り思たぬ市民ぬん満どぅんばーあらんな。安倍、福田りいうぬ個人ぬ問題やあらん、自民党自体に政権担当能力が無んくなっとぅんりいうぬ印象持っちゃぬ人ん、うぽーせんり思いんよーやー。福田自身ぬ不祥事とぅか、アメリカとぅぬ関係とぅか、何ーげら圧力ん無んたがーやりいうぬ気ーぬんすんばーえっしが、うぬーぴんぬ分析記事ぬ欲しいえっさーやー。
Ｍ：なまぬぐとぅぬ流れえーねー、一気に解散総選挙までぃ行くーぬ可能性ぬんまぎせーさーやー。自公体制が崩壊しち、民主党中心ぬ政権がでぃきるぬ可能性ぬん有んばーらんな。沖縄ぬ基地問題ぬんちゃんちがないら。ただ、うぬ流り、よーぴえってぃん沖縄に良い方向に向きらんねーならんり思いんよ。なまぬ名護・ヤンバルぬ状況見ーねーや、新基地建設に向きてぃ新兵舎建設ぬたみぬ整地が進みらっとぅんばーえっしが、市民ぬ関心ぬん低さぬ、政府ぬ強硬姿勢に押さっとぅんばーてー。うぬ状況変えるぬきっかけにないばしみしが。
Ｓ：気持ちや分かいしがや、民主党に期待すーしん注意さんねーならんばーよ。宮古ぬ下地島空港を国連ぬ平和維持軍ぬ拠点なすんとぅかや、異風なくとぅん言ちゃっくんばーえっとぅや。民主党ぬん憲法九条ぬ改憲言ちゅんばーえっさ。小沢とぅか前原とぅか元もとタカ派ぬん満どぅんばーえっとぅ、うったーが辺野古ぬ基地建設反対り言ちゃーとぅりち、簡単に信用しち支持しーねー、後から何ーぬ出じいがすら分からんどーやー。ゆー注意さんねーならんり思いんばーてー。
Ｍ：うりや我んぬんあい思いんよ。喜納昌吉ぬん我んねーてぃーちん信用しちゅらんとぅよ。選挙とぅか政党に振んみぐやーしみらりしや馬鹿らしいえっとぅや。あくまでぃ名護・ヤンバルぬ住民運動ちゅーくすーしが原則やえんばーえっしが。
Ｓ：名護ぬん建設関連業者ぬ倒産がちゃー続きしち、北部振興策ぬ銭んだーかいが流りとぅーら。名護十字路近くに計画さっとぅーぬ高層住宅ぬ反対運動ぬん起くとぅーとぅや、小中学校や給食センターぬ統廃合ぬ問題ぬん有てぃ、基地問題以外にん島袋市政に対する反発・不満やかなり有んでぃ思いんばーえっしが、うりちゃんち纏みーがりいうしが課題えんばーてー。
Ｍ：名護やちゃーうりが問題えんばーよ。反対運動ぬん選挙ぬばーに政党ぬ思惑じ振んみぐやーさってぃ、うりじ内部対立しち衰退しちゅんばーてー。どぅーぬ政党ぬ利害からゆぬ反対運動しちゅーぬ人ぬ批判びかーしちゃっくぬ幹部ぬんういとぅよ。うんねーるーがういねー運動ぬ発展すーぬわけんねんばーてー。なまから選挙が連続しーぎさーえっしが、ゆぬ失敗しーけーさーしちやならんどーやー。
Ｓ：あんすとぅや。
