宮良信詳先生は、方言ではなく言語としてのウチナーグチのお話を30分ほどなさる予定です。以下はＮＰＯ沖縄語普及協議会会長 宮里朝光氏の草稿です！ウチアタイするお話です！事務局長の名嘉山秀信さんの了承を得ました！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
琉 球 文 化 の 危 機
ＮＰＯ沖縄語普及協議会会長 宮里朝光
九月十八日、しまくとぅばの日なとーしが、「しまくとぅば」思（うむ）いるぐとう普及（ふぃるまてぃー）うらん。くれー沖縄人（うちなーんちゅ）「しまくとぅば」大切（てーしち）なくとぅ自覚（うむいぶすく）そーるたみしやしが、三ちぬ理由（わき）ぬあん。
一ちぇー、しまくとぅばぬ意味分かてーうらん。
二ちぇー、首里言葉（しゅいくとぅば）とぅ、しまくとぅば混同（ばっぺー） とーん。
三ちぇー、他県人（やまとぅんちゅ）ぬ言（いゅ）るままになてぃ沖縄語（う ちなーぐち）捨（し）てぃとーるたみやん。
沖縄人、沖縄人とぅっし共通（んながむっちょーる）文化（てぃーかた）ぬあん。沖縄県んかえー沢山（うほーく）ぬ字（あざ）ぬあしが、字んかえー昔（んかしぇー）村（むら）んでぃ言（いゅ）い、「しま」んでぃ言たくとぅ村（字）ぬ言葉（くとぅば）んかい「しまくとぅば」んでぃ言ちゃん。村んかえー共通文化ぬ外（ふか）に、うぬ村うてぃ作（ちゅくらっとーる独特（むちめー）ぬ文化ぬあたん。独特ぬ文化、別（びち）ぬ村んかえー無（ねー）んくとぅ、うぬ村ぬしまくとぅばっしどぅ言（いゃりーる。昔（んかしぇー）道（道）隔（ふぃじゃ）みてぃ言葉、違（ちが）とーたん。くぬようなくとぅから、しまくとぅば遣（ちか）らんないねーうぬ村ぬ独特ぬ文化無（ねー）んなゆん。
あんしえーならのーあらに。祖先（うやふぁーふじ）ぬ難儀苦労（なんじくんじ）っし作（ちゅく）てーる村ぬ文化、しまくとぅば遣れー分（わ）かいくとぅ、若者（わかむのー）喜（うっさ）っし祖先あやかーてぃ村ぬ文化発展（さけー）らち、行（い）ちゅん。如何（ちゃっ）さン村発展えー行ちゅが、村おこしんかいなゆん。
くぬようなくとぅから、ＮＰＯ沖縄語普及協議会、平成十七年九月十八日、那覇市中央公民館んかい、マスコミかっ九社とぅ学識経験者集（あち）まみしょーらちシンポジウムっし、「九月十八日、しまくとぅばぬ日んち定（さだ）みたん。うり沖縄県かい陳情（うにげー）さくとぅ翌年（ゆくとぅし）十八年三月二十九日、県条例ぬでぃきてぃ」うぬ年ぬ九月十八日、始みてぃぬ「しまくとぅばぬ日」に県立郷土劇場うてぃ、県知事主催（かむてぃ）ぬ式典（じしち）持（む）ちゃん。県議会議長とぅ私（わん）二人（たい）来賓（うしーん）とぅっし案内（あんねー）さったん。県知事とぅ県議会議長両人（たとぅくろー）しまくとぅば、上手（じょうーじ）あみそーらんくとぅ私一人（わんちゅい）首里言葉（しゅいくとぅば）っし祝辞（うゆえーぬぐいぇーさち）述べ（うん）ぬきたん。
くぬように村ぬ独特ぬ文化受（う）き継（ち）じゅるたみねー是非（じふぃ）しまくとぅば遣（ち）かてぃ村発展えーらさんだれーならん。しまくとぅば各村（なーむらむら）違（ち）がとーしが、まとぅみてぃ言る場合（ばー）や沖縄語（うちなーぐち）んでぃ言ん。沖縄語んかぇー各村ぬしまくとぅば全部（むる）いっちょーん。
歌三線（うたさんしん）・組踊（くみうどぅい）や首里（しゅい）ぬ文化やくとぅ首里言葉っし作（つく）らっとーん。首里童（しゅいわらび）あらんしんかい歌三線・組踊教（ならー）ちぇーならん。まじ、故郷（んまりじま）ぬしまくとぅば遣かてぃ村ぬ文化分（わ）かてぃから首里部文化ぬ歌三線・組踊教らーしびちーやん。あんさんだれー、自分（どぅー）ぬ村ぬ言葉・文化捨ててぃてぃ首里言葉・首里文化するっくとぅぬなゆん。自分ぬ村ぬ言葉遣てぃ無文化分かてぃから歌三線・組踊、教しびちーやん。あんしわどぅ、村ぬしまくとぅば、独特の文化受き継がーりん。また、故郷（っんまりじま）ぬしまくとぅば遣いうーさん子供（わらばー）んかい首里言葉ぬ歌三線・組踊教すしぇーしまくとぅばぬ日の趣旨（うむむち）んかい反（たがゆん）。
御百浦添御殿（うむんだすぃーうどぅん）でぃ言ゆる上品（っんぶ）らーさる素晴（すぐり）とーる名前（なー）ぬあしが、他府県人（やまとぅんちゅ）ぬ首里城正殿んでぃ言ちゃくとぅ県民、首里城正殿んでぃ言ちょーん。沖縄語（うちなーぐち）遣いぶこーねーんどぅあるい。何（ぬー）んち他県人ぬ言うるままに識名御殿（しちなうどぅん）んでぃる素晴らとーる名前ぬあしが、識名園（しきなえん）でぃ言ちゃくとぅ識名園でぃ言ちょーん。世界遺産ぬんかい識名園でぃ登録（ぬし）らっとーん。識名御殿でぃ言わどぅ琉球ぬ独特ぬ文化財とぅっし世界遺産ぬんかいないる。識名園でぃ言いねー他県（やまとぅ）ぬむんどぅないくとぅ世界遺産から外（はん）ださんだれーならん。
戦後（いくさあとぅ）ん「健児の塔」ぬ歌（うた）んかいあるぐとぅ「摩文仁岳（まぶいだき）」んでぃいちょーるむんぬ日本復帰さくとぅ「摩文仁が丘（まぶにがおか）」んでぃ他県風（やまとぅふー）ぬ名前んかい変（けー）たしぇー何（ぬ）ーやが。沖縄名や悪（わっ）さどぅあるい。日本名（やまとぅなー）遣かーんだれーならんどぅあるい。困（した）ねーむんなとーさ。
現在（なま）ぬ琉装（うちなーすがい）んでぃ言しぇーなてーうらん。和服仕立（やまとじんのーい）っし和服着付（やまとぅじんちーかた）っし琉装んでい言ちょーん。大帯（うふうーび）んしーうさん。掛帯（かきうーび）ぬ真似（ねーび）そーるごーとしが、うりん間違（まちが）とーん。琉服（うちなーじん）や、たもと、振り、身八口やねーん。椅子（いー）んかい腰掛（
しっちゃきー）しん褄（めーすば）ぬ割（あ）ち後身頃（くしどぅーむとぅ）ぬ裏（うら）ぬ見（み）ゆるくとーねーん。御懐（みふくちゅくる）ん御後袋（みくしぶくる）ん作くてーうらん。帯（うび）ぬ端（はし）ん長垂（ながだ）ら垂（だ）らっし、みーとーねーん。鉢巻（はちまち）ぬ婁（をぅー）や耳（みみ）ぬ後（くし）からどぅ結（むす）ぶしが、日本ぬ冠んかい似（に）してぃ耳ぬ前から結どーん。くりまでぃ組踊保存会始み彼方此方（あまくま）をてぃ大帯ぬ結び方（かた）教（な）らーちゃしが、直（のー）ちぇーをぅらん。ただ県立博物館美術館の琉球人形や、学芸員かい教らーち着付（くし）らちぇーくとぅ琉装そーん。あぬ琉球人形ぬぐとうさんだれー伝統ぬ琉装や無んなゆん。
現在（なま）ぬぐとぅ他県（やまとぅ）ぬ真似（ねーび）しーねー伝統文化（ぐゎんすゆじりぬてぃーかた）、次第（しでー）に無（ね）ーんなてぃ気付（うみゆい）ねー、皆（むる）他県文化（やまとぅぶんか）んかいなてぃ沖縄ぬ伝統文化、消滅（しりこー）なさりーさ。沖縄人とっしぬアイデンティティー持（む）たんだれーンならん。
社会（しきん）ぬ発展（さけー）いねー文化ん発展（さけー）てぃ行ちゅん。うぬ場合（ばー）、発展（さけー）てぃ行ちゅる方向（むけー）や大切やん。伝統文化基（むとぅ）に創造（みーくにちゅくれー）伝統文化、発展ゆしが、自分勝手（どぅーがってぃ）っし、他（ゆす）ぬ文化真似（まにー）ねー伝統文化、無んなゆん。伝統文化大切にっし、うり基に沖縄らーさる独特ぬ文化作れー沖縄や発展てぃ行ちゅん。
≪写真は山城知佳子の作品について紹介したRebecca Sue Jennisonの「記憶を語りえない身体」の研究発表≫
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
琉 球 文 化 の 危 機
ＮＰＯ沖縄語普及協議会会長 宮里朝光
九月十八日、しまくとぅばの日なとーしが、「しまくとぅば」思（うむ）いるぐとう普及（ふぃるまてぃー）うらん。くれー沖縄人（うちなーんちゅ）「しまくとぅば」大切（てーしち）なくとぅ自覚（うむいぶすく）そーるたみしやしが、三ちぬ理由（わき）ぬあん。
一ちぇー、しまくとぅばぬ意味分かてーうらん。
二ちぇー、首里言葉（しゅいくとぅば）とぅ、しまくとぅば混同（ばっぺー） とーん。
三ちぇー、他県人（やまとぅんちゅ）ぬ言（いゅ）るままになてぃ沖縄語（う ちなーぐち）捨（し）てぃとーるたみやん。
沖縄人、沖縄人とぅっし共通（んながむっちょーる）文化（てぃーかた）ぬあん。沖縄県んかえー沢山（うほーく）ぬ字（あざ）ぬあしが、字んかえー昔（んかしぇー）村（むら）んでぃ言（いゅ）い、「しま」んでぃ言たくとぅ村（字）ぬ言葉（くとぅば）んかい「しまくとぅば」んでぃ言ちゃん。村んかえー共通文化ぬ外（ふか）に、うぬ村うてぃ作（ちゅくらっとーる独特（むちめー）ぬ文化ぬあたん。独特ぬ文化、別（びち）ぬ村んかえー無（ねー）んくとぅ、うぬ村ぬしまくとぅばっしどぅ言（いゃりーる。昔（んかしぇー）道（道）隔（ふぃじゃ）みてぃ言葉、違（ちが）とーたん。くぬようなくとぅから、しまくとぅば遣（ちか）らんないねーうぬ村ぬ独特ぬ文化無（ねー）んなゆん。
あんしえーならのーあらに。祖先（うやふぁーふじ）ぬ難儀苦労（なんじくんじ）っし作（ちゅく）てーる村ぬ文化、しまくとぅば遣れー分（わ）かいくとぅ、若者（わかむのー）喜（うっさ）っし祖先あやかーてぃ村ぬ文化発展（さけー）らち、行（い）ちゅん。如何（ちゃっ）さン村発展えー行ちゅが、村おこしんかいなゆん。
くぬようなくとぅから、ＮＰＯ沖縄語普及協議会、平成十七年九月十八日、那覇市中央公民館んかい、マスコミかっ九社とぅ学識経験者集（あち）まみしょーらちシンポジウムっし、「九月十八日、しまくとぅばぬ日んち定（さだ）みたん。うり沖縄県かい陳情（うにげー）さくとぅ翌年（ゆくとぅし）十八年三月二十九日、県条例ぬでぃきてぃ」うぬ年ぬ九月十八日、始みてぃぬ「しまくとぅばぬ日」に県立郷土劇場うてぃ、県知事主催（かむてぃ）ぬ式典（じしち）持（む）ちゃん。県議会議長とぅ私（わん）二人（たい）来賓（うしーん）とぅっし案内（あんねー）さったん。県知事とぅ県議会議長両人（たとぅくろー）しまくとぅば、上手（じょうーじ）あみそーらんくとぅ私一人（わんちゅい）首里言葉（しゅいくとぅば）っし祝辞（うゆえーぬぐいぇーさち）述べ（うん）ぬきたん。
くぬように村ぬ独特ぬ文化受（う）き継（ち）じゅるたみねー是非（じふぃ）しまくとぅば遣（ち）かてぃ村発展えーらさんだれーならん。しまくとぅば各村（なーむらむら）違（ち）がとーしが、まとぅみてぃ言る場合（ばー）や沖縄語（うちなーぐち）んでぃ言ん。沖縄語んかぇー各村ぬしまくとぅば全部（むる）いっちょーん。
歌三線（うたさんしん）・組踊（くみうどぅい）や首里（しゅい）ぬ文化やくとぅ首里言葉っし作（つく）らっとーん。首里童（しゅいわらび）あらんしんかい歌三線・組踊教（ならー）ちぇーならん。まじ、故郷（んまりじま）ぬしまくとぅば遣かてぃ村ぬ文化分（わ）かてぃから首里部文化ぬ歌三線・組踊教らーしびちーやん。あんさんだれー、自分（どぅー）ぬ村ぬ言葉・文化捨ててぃてぃ首里言葉・首里文化するっくとぅぬなゆん。自分ぬ村ぬ言葉遣てぃ無文化分かてぃから歌三線・組踊、教しびちーやん。あんしわどぅ、村ぬしまくとぅば、独特の文化受き継がーりん。また、故郷（っんまりじま）ぬしまくとぅば遣いうーさん子供（わらばー）んかい首里言葉ぬ歌三線・組踊教すしぇーしまくとぅばぬ日の趣旨（うむむち）んかい反（たがゆん）。
御百浦添御殿（うむんだすぃーうどぅん）でぃ言ゆる上品（っんぶ）らーさる素晴（すぐり）とーる名前（なー）ぬあしが、他府県人（やまとぅんちゅ）ぬ首里城正殿んでぃ言ちゃくとぅ県民、首里城正殿んでぃ言ちょーん。沖縄語（うちなーぐち）遣いぶこーねーんどぅあるい。何（ぬー）んち他県人ぬ言うるままに識名御殿（しちなうどぅん）んでぃる素晴らとーる名前ぬあしが、識名園（しきなえん）でぃ言ちゃくとぅ識名園でぃ言ちょーん。世界遺産ぬんかい識名園でぃ登録（ぬし）らっとーん。識名御殿でぃ言わどぅ琉球ぬ独特ぬ文化財とぅっし世界遺産ぬんかいないる。識名園でぃ言いねー他県（やまとぅ）ぬむんどぅないくとぅ世界遺産から外（はん）ださんだれーならん。
戦後（いくさあとぅ）ん「健児の塔」ぬ歌（うた）んかいあるぐとぅ「摩文仁岳（まぶいだき）」んでぃいちょーるむんぬ日本復帰さくとぅ「摩文仁が丘（まぶにがおか）」んでぃ他県風（やまとぅふー）ぬ名前んかい変（けー）たしぇー何（ぬ）ーやが。沖縄名や悪（わっ）さどぅあるい。日本名（やまとぅなー）遣かーんだれーならんどぅあるい。困（した）ねーむんなとーさ。
現在（なま）ぬ琉装（うちなーすがい）んでぃ言しぇーなてーうらん。和服仕立（やまとじんのーい）っし和服着付（やまとぅじんちーかた）っし琉装んでい言ちょーん。大帯（うふうーび）んしーうさん。掛帯（かきうーび）ぬ真似（ねーび）そーるごーとしが、うりん間違（まちが）とーん。琉服（うちなーじん）や、たもと、振り、身八口やねーん。椅子（いー）んかい腰掛（
しっちゃきー）しん褄（めーすば）ぬ割（あ）ち後身頃（くしどぅーむとぅ）ぬ裏（うら）ぬ見（み）ゆるくとーねーん。御懐（みふくちゅくる）ん御後袋（みくしぶくる）ん作くてーうらん。帯（うび）ぬ端（はし）ん長垂（ながだ）ら垂（だ）らっし、みーとーねーん。鉢巻（はちまち）ぬ婁（をぅー）や耳（みみ）ぬ後（くし）からどぅ結（むす）ぶしが、日本ぬ冠んかい似（に）してぃ耳ぬ前から結どーん。くりまでぃ組踊保存会始み彼方此方（あまくま）をてぃ大帯ぬ結び方（かた）教（な）らーちゃしが、直（のー）ちぇーをぅらん。ただ県立博物館美術館の琉球人形や、学芸員かい教らーち着付（くし）らちぇーくとぅ琉装そーん。あぬ琉球人形ぬぐとうさんだれー伝統ぬ琉装や無んなゆん。
現在（なま）ぬぐとぅ他県（やまとぅ）ぬ真似（ねーび）しーねー伝統文化（ぐゎんすゆじりぬてぃーかた）、次第（しでー）に無（ね）ーんなてぃ気付（うみゆい）ねー、皆（むる）他県文化（やまとぅぶんか）んかいなてぃ沖縄ぬ伝統文化、消滅（しりこー）なさりーさ。沖縄人とっしぬアイデンティティー持（む）たんだれーンならん。
社会（しきん）ぬ発展（さけー）いねー文化ん発展（さけー）てぃ行ちゅん。うぬ場合（ばー）、発展（さけー）てぃ行ちゅる方向（むけー）や大切やん。伝統文化基（むとぅ）に創造（みーくにちゅくれー）伝統文化、発展ゆしが、自分勝手（どぅーがってぃ）っし、他（ゆす）ぬ文化真似（まにー）ねー伝統文化、無んなゆん。伝統文化大切にっし、うり基に沖縄らーさる独特ぬ文化作れー沖縄や発展てぃ行ちゅん。
≪写真は山城知佳子の作品について紹介したRebecca Sue Jennisonの「記憶を語りえない身体」の研究発表≫
